Punimet për Qendrën e Mjekësisë Familjare në Veternik janë duke vazhduar dhe se shumë shpejt banorët e Veternikut do të marrin shërbime brenda lagjes, shkruan Prishtinapress.
Kështu bëri të ditur përmes një postimi në Facebook kryetari i Prishtinës, Përparim Rama.
Ai me Drejtorin e Shëndetësisë në këtë komunë, Izet Sadikun, vizituan lokacionin e dedikuar për ndërtimin e kësaj Qendre.
“Një ndër prioritetet tona është rritja e efikasitetit të ofrimit të shërbimeve shëndetësore në Kryeqytet.
Prandaj, jemi të fokusuar që sa më shpejt të përfundojmë ndërtimin e Qendrës së Mjekësisë Familjare në Veternik.
Bashkë me Drejtorin e Shëndetësisë, z. Izet Sadiku, pamë nga afër punimet dhe jam i lumtur të ju informoj se shumë shpejt edhe banorët e Veternikut do të kenë mundësi të marrin shërbime brenda lagjes së tyre”, ka shkruar Rama./Prishtinapress/
