Kryetari i komunës së Prishtinës, Përparim Rama, ka dalur me njoftim për qytetarët që të kenë kujdes të mos ndezin bari e thatë sepse po rrezikoni jetë gjallesat në natyrë dhe mund të shkaktojnë dëme në shtëpi.
Rama tutje ka treguar se Brigada e Zjarrfikësve-Prishtinë me Drejtorinë për Siguri dhe Emergjenca janë duke u kujdesur që të shuajnë zjarret.
“Punë të palodhshme janë duke bërë Brigada e Zjarrfikësve-Prishtinë bashkë me Drejtorinë për Siguri dhe Emergjenca me në krye drejtorin, Lulzim Fushtica, duke u kujdesur që të shuajnë zjarret e ndezura në fusha në zona të ndryshme të Kryeqytetit.
Ju lutemi qytetarë të keni kujdes, MOS E NDEZNI BARIN E THATË, MOS I DIGJNI HAMULLORET sepse rrezikoni jetë, rrezikoni gjallesat në natyrë, mund të digjni shtëpi”, ka thënë Rama.
