Kryeminsitri i Shqipërisë, Edi Rama, ka publikuar pamje nga përurimi i rrugës Kardhiq-Delvinë, e cila shkurton kohën e udhëtimit drejt Sarandës.
Rama në një postim në Facebook, duke publikuar pamjet nga përurimi i aksit rrugor dhe tunelit, ka pyetur: “Po tani, si është radha?”.
Sot është hapur rruga Kardhiq-Delvinë së bashku me tunelin e Skërficës. Ky aks i ri shkurton një distancë prej 45 minutash nga Tirana në Sarandë, ndërsa sjell bregdetin më afër Tepelenës dhe Gjirokastrës.
Tuneli i Skërficës ka një gjatësi prej 1,3 km, i shoqëruar edhe me tunelin e emergjencës me gjatësi 670 m.
Në ceremoninë e inaugurimit, përveç kryeministrit Rama, ishin ministrat Belinda Balluku, Damian Gjiknuri, Mirela Kumbaro dhe kryebashkiakët e qyteteve të jugut.
