Kryetari i Prishtinës, Përparim Rama ka njoftuar për takimet me drejtorin e Radio Kosovës, Arsim Halili, rektorin e Universitetit të Prishtinës, Qerim Qerimi dhe drejtoren e grupit Koha, Flaka Surroi pas kërkesave të këtyre të fundit për mos bllokim të rrugës nga Biblioteka Kombëtare.
Rama ka thënë se ka dëgjuar propozimet e tyre, të cilët kishin reaguar për mbylljen e kësaj zone për vetura, si pjesa e vetme alternative për kalim të veturave zyrtare të Radio Kosovës dhe punonjësve tjerë medial.
“Dëgjova me vëmendje propozimet e tyre rreth procesit të transformimit të zonës përreth dhe brenda Kampusit Universitar. U pajtuam se transformimi i kësaj zone është i domosdoshëm me qëllim të krijimit të hapsirave të reja për këmbësor, rekreacion e gjelbërim për të gjithë qytetarët”, ka shkruar Rama.
Tutje i pari i Prishtinës ka thënë se janë pajtuar se transformimi i kësaj zone është i domosdoshëm me qëllim të krijimit të hapsirave të reja për këmbësor, rekreacion e gjelbërim për të gjithë qytetarët.
“U zotova se, bashkë me ekipin tim, do të analizojmë propozimet e tyre dhe do të bëjmë një takim të përbashkët për ta prezantuar këtë propozim, i cili do shtyjë përpara procesin e transformimit të Kkyeqytetit dhe qëllim tonë të përbashkët”, ka shkruar Rama.
