Kryetari i Prishtinës, Përparim Rama, ka shpërndarë një video ku theksohet vazhdimi i procesit të lirimit të hapësirave publike në kryeqytet, raporton PrishtinaPress.
Në videon e postuar, Rama njofton qytetarët se Drejtoria e Investimeve Kapitale dhe Menaxhimit të Kontratave po angazhohet për të krijuar më shumë hapësira të lira dhe të aksesueshme për të gjithë.
Puna është në proces dhe po realizohet me qëllim përmirësimin e cilësisë së jetesës në qytet.
Ky angazhim është pjesë e një plani më të gjerë për zhvillimin e infrastrukturës dhe rritjen e cilësisë së jetesës për qytetarët e Prishtinës.