Kryeministri i Shqipërisë, Edi Rama, ka treguar planet e tij për të ardhmen.
Në podcastin e tij, ku mysafir kishte këngëtari Alban Skenderaj, kryeministri shqiptar ka thënë se pasi të mbyllë kapitullin e politikës do të vendoset në fshat.
Ai ka thënë se dëshiron të jetë një katundar pa pretendime i pabezdisshëm dhe i padukshëm.
“Pas dy dekadash e kam thënë. E shoh veten shumë thjeshtë në katund duke u marrë me shijen e të parit e të dëgjuarit e të folurit, të krijuarit të gjërave përmes të folurit, të dëgjuarit. Dua të jem një katundar pa pretendime i pabezdisshëm dhe i padukshëm, por thjesht i gatshëm për ata që kam dëshirë të takoj dhe kanë dëshirë të më takojnë. Është një lloj përgatitjeje për tu ndarë me këtë jetë. Edhe varrezat i kam afër aty”, ka thënë Rama.
