Deputeti i Lidhjes Demokratike të Kosovës (LDK), Anton Quni, ka thënë se qasja e kryeministrit Albin Kurtit ndaj SHBA-ve mund të jetë edhe personale.
Ai në Frontal të T7, të mërkurën, nuk ka sqaruar se për çfarë çështje personale bëhet fjalë.
”Kjo është një ndër temat që më së shumti diskutohet, për të cilën është e vështirë me dhënë përgjigje. A janë të natyreës personale, apo është ndonjë lloj taktizimi”, ka thënë Quni.
Deputeti opozitar, po ashtu ka deklaruar se kurrë nuk është imagjinuar që Kosova mund ta ketë këtë raport me SHBA-të.
”Një situatë e paimagjinueshme, nuk është menduar se shteti do të udhëhiqet nga personalitete që nuk i marrin në konsideratë këshillat, vërejtjet, iniciativat e SHBA-ve”, ka thënë Quni.
Ka shtuar po ashtu që Kurti duhet t’i rishikojë vendimet e tij në raport me Veriun.