Mbledhja e Qeverisë së Kosovës, e përcaktuar të mbahej nesër në orën 09:00, është shtyrë për një ditë tjetër.
Lajmin e ka bërë të ditur Zyra e Kryeministrit, nëpërmjet një njoftimi të dërguar mediave.
Kryeministria nuk ka dhënë asnjë arsye për shtyrjen e mbledhjes së paraparë për nesër.
“Ju njoftojmë se mbledhja e Qeverisë së Republikës së Kosovës, e përcaktuar të mbahej nesër në orën 09:00, shtyhet për një kohë tjetër. Për ditën dhe kohën e mbajtjes së mbledhjes do të njoftoheni së shpejti”, thuhet në njoftim.
