Kryeministri i Kosovës, Isa Mustafa, ka pritur sot në takim shefin e Zyrës së UNICEF’it në Kosovë, Brandao Co.
Gjatë takimit, u bisedua për angazhimet e përbashkëta për fëmijët në Kosovë, ka bërë të ditur Kryeministria.
“Duke vlerësuar rolin e deritashëm të UNICEF-it, kryeministri Mustafa theksoi përkushtimin e Qeverisë për avancimin e gjithanshëm të mirëqenies së fëmijëve dhe të gjithë qytetarëve të Kosovës”, thuhet në një njoftim.
Shefi i Zyrës së UNICEF-it në Kosovë, Brandao Co, foli për punën dhe projektet aktuale të UNICEF-it në Kosovë, duke falënderuar kryeministrin Mustafa për përkrahjen, bën të ditur njoftimi.
