Qeveria italiane jep 500 euro për ditëlindjen e çdo 18 vjeçari për t’i shpenzuar në libra

Në një kohë të tillë ku teknologjia dhe dixhitalizimi duken sikur janë shndërruar në varësi, librat janë pak e më pak të lexuar.
Aq më tepër nga të rinjtë e kësaj kohe të cilët nuk e njohin disiplinën e të lexuarit të librave.
Në një lëvizje projektuar që t’u kujtojë të rinjve se kultura mund të pasurojë jetët e tyre, qeveria Italiane ka vendosur të akordojë një fond financiar, ku çdo të riu t’i jepen 500 euro në ditëlindjen e tetëmbëdhjetë për t’i shpenzuar në libra.
Këto para mund të shpenzohen nga të rinjtë edhe për filma, teatro dhe muzikë, shkruan Tema.
Kjo iniciative do të nisë me 15 shtator dhe pritet që të përfitojnë 575 000 të rinjë. Ndërkohë pritet që kostoja për qeverinë të jetë rreth 290 milion euro.