rtarë të lartë të Koresë së Jugut kanë thënë të martën se qeveria e tyre e di vendndodhjen e liderit të Koresë së Veriut, Kim Jong-Un, mungesa e të cilit nga pamja publike ka shkaktuar një valë spekulimesh në lidhje me shëndetin e tij.
“Qeveria është në dijeni për vendndodhjen e Kim Jong-Un”, tha Ministri i Unifikimit, Kim Yeon-chul gjatë një seance parlamentare.
Sipas mediave të huaja, përcjell Telegrafi, presidenti amerikan Donald Trump, ka deklaruar se e ka pasqyrën e qartë të gjendjes shëndetësore të liderit të Koresë së Veriut, mirëpo u shpreh se aktualisht nuk mund të flasë për këtë.
“Po, e kam një pasqyrë të qartë, por nuk mund tani të flasë për këtë. I uroj shërim të shpejtë dhe gjitha të mirat”, ka deklaruar Trump para gazetarëve në Shtëpinë e Bardhë.
Kujtojmë që javën e kaluar CNN, pati raportuar se inteligjenca amerikane ka informacione se Jong-Un është në prag të vdekjes pas ndërhyrjes kirurgjikale që e pati, për shkak të problemeve me zemër dhe mbipeshën.
Prej asaj kohe kanë qarkulluar teori të ndryshme për liderion koreano-verior i cili ka nxitur edhe ma shumë dyshime pasi nuk është shfaqur në publik që nga 11 prilli.