Me fletarrest të Serbisë, sot në Maqedoninë e Veriut u arrestua ish-ushtari i UÇK-së Blerim Ramadani, nën pretendimin se ka kryer krime të luftës.
Lidhur me rastin ka folur ambasadori i Kosovës në Maqedoninë e Veriut, Florian Qehaja.
Qehaja tha se nuk ka rrezik që Ramadani të dorëzohet në Serbi.
“Jemi duke u marrë me rastin, e kemi rastin shumë të fortë që kjo nuk do të ndodhë. Jemi në komunikim me qeverinë e re këtu por edhe me organet e drejtësisë,” u shpreh Qehaja në RTV Dukagjini transmeton Klankosova.tv.
Rastin e ka konfirmuar për Klankosova.tv edhe nga Ministria e Jashtme dhe Diasporës.
