Ministri i Jashtëm i Kroacisë ka nxitur polemika me përshëndetjen që i ka bërë homologes së tij gjermane duke i dhuruar një puthje në një takim të ministrave të Bashkimit Evropian në Berlin të enjten.
Gordan Grlic-Radman shtrëngoi duart me ministren e jashtme gjermane Annalena Baerbock, e më pas u përkul për ta puthur.
Ai është kritikuar në disa media kroate, me aktivisten e të drejtave të grave, Rada Boric, e cila e ka përshkruar situatën si “shumë të papërshtatshme”.
Grlic-Radman e ka mbrojtur veten duke thënë se ishte “afrim i ngrohtë, njerëzor me një kolege”. Ai shtoi se “ndoshta ishte moment i sikletshëm” dhe kërkoi falje “për këdo që e mori në atë mënyrë”.
Baerbock nuk e ka komentuar këtë.