Rreth 820 punëtorë dhe rreth 200 kontraktorë të fabrikës Ferronikel në Drenas kanë ndërprerë punën.
Kjo për shkak se pronarët e kësaj kompanie nuk i kanë kryer obligimet ndaj punëtorëve dhe kontraktorëve, pra nuk i kanë paguar 30% e muajit shkurt.
Këtë e ka bërë të ditur për Indeksonline, kryetari i Sindikatës së Punëtorëve, Fehmi Nika.
Ai ka thënë se ndërprerja e prodhimit ka ardhur si pasojë e mospagesës, ku sindikata bashkë me kontraktorët kanë vendosur të ndërprenë përkohësisht punën aty.
“Prodhimi është ndalur dje. Kjo pasi kompania nuk ka kryer obligimet ndaj punëtorëve. Pra, mospagesa e 30% të muajit shkurt ndaj punëtorëve dhe kontraktorëvë. Përfaqësuesit e punëtorëve bashkë me përfaqësuesit e kontraktorëve kanë marr vendim që të ndalet prodhimi deri sa të kryhen këto obligime. Punëtorët nuk janë në punë, deri sa ti kryhen pagesa. Kemi biseduar me menaxhmentin dhe e kemi lajmëruar që nëse deri në ora 12 të ditës së djeshme nuk kryhen pagesat, atëherë do të ndalin punën. Pagesa nuk është kryer dhe prodhimi është ndalur” ka thënë Nika për Indeksonline.
Kujtojmë që kjo fabrikë në vitin 2016 u përball me një krizë 6muajshe të mosprodhimit për shkak të mungesës së rezervave