Programi i Kombeve të Bashkuara për Zhvillim (UNDP) në Kosovë ka publikuar sot edicionin e 23-të të Përmbledhjes Pulsi Publik, teksa sipas anketimit nga nëntori i vitit 2022, Presidentja e vendit, Vjosa Osmani është radhitur e para sa i përket kënaqshmërisë së publikut me punën e saj, në masën prej 56.8 për qind.
Kurse kënaqshmëria për kryeministrin Albin Kurti, sipas anketimit ka dalë 44.9 për qind, teksa me Qeverinë me 41 për qind.
Anketimi i UNDP-së ka nxjerrë kënaqshmërinë me punën e Kuvendit në masën 39.1%, kurse me Kryetarin e Kuvendit të Kosovës, Glauk Konjufca, kënaqshmëria është në nivelin 50.8%.
Ulje të dukshme pati në shkallën e kënaqshmërisë me Gjykatat dhe Zyrën e Kryeprokurorit, në 24.4% dhe 22% përkatësisht, krahasuar me prillin e vitit 2022.
Anketa e opinionit të Pulsit Publik bazuar në intervistat e kryera në nëntor 2022 dhe përmban tyë dhëna të bazuara nga dhjetë treguesit kryesorë që mbulojnë çështjet socio-ekonomike, mjedisore dhe politike.
