Lumir Abdixhiku, Doarsa Kica-Xhelili, Hykmete Bajrami, Kujtim Shala e Avdullah Hoti, përbëjnë 5-shen e kandidatëve më të votuar të Lidhjes Demokratike të Kosovës në zgjedhjet parlamentare të 9 shkurtit.
Kur kanë përfunduar rreth 80% të numërimit të votave për kandidatët për deputetë është publikuar edhe lista e deputetëve më të votuar të Lidhjes Demokratike të Kosovës, që në nivel qendror mban pozitën e tretë si partia më e votuar.
Kreu i kësaj partie, Lumir Abdixhiku është votuar nga 87,051 qytetarë. Pas Abdixhikut, e dyta në listë është Doarsa Kica-Xhelili. Ajo ka siguruar 34,965 vota, ndërkaq rreth 2 mijë vota më pak se ajo ka marrë Hykmete Bajrami.
Në top-5she janë edhe Kujtim Shala e Avdullah Hoti.
Numri 2 i LDK-së, Kujtim Shala ka marrë 29 mijë vota, ndërkaq ish-kryeministri Hoti ka marrë rreth 23 mijë vota.
Një numër të madh të votave kanë siguruar edhe Lutfi Haziri e Anton Quni.
Haziri ka marrë 22 mijë vota, ndërkaq Quni rreth 1 mijë më pak.
Për herë të parë në Kuvendin e Kosovës pritet të jetë edhe Jeohna Lushaku Sadriu. Drejtoresha e arsimit në komunën e Prishtinës ka marrë rreth 17 mijë vota.
Përpos Lushaku-Sadriut, për herë të parë në Kuvend pritet të jetë edhe Serbeze Muçaj, Krenar Xhaferi e Paris Guri.
Në 10 kandidatët më të votuar janë edhe Imri Ahmet e Armend Zemaj.
Kryetari i Lipjanit ka mare 16 mijë vota, kurse Zemaj rreth 15 mijë sosh.
Lista pritet të ndryshojë me numërimin përfundimtar të votave.
Lista e plotë:
