Forcat qeveritare të Bashar Al-Assadit që po luftojnë kundër xhihadistëve të ISIS-së dhe grupeve të tjera rebele në Aleppo kanë publikuar sëfundmi kopjen e pasaportës të një shqiptari që edhe më herët është raportuar të jetë vrarë prej tyre gjatë luftimeve për marrjen nën kontroll të qytetit
Bëhet fjalë pikërisht për Hamit Muslija, që siç raporton “BalkanWeb”, rezulton edhe nga kopja e pasaportës të jetë shtetas shqiptar, e që ka hyrë në Siri nëpërmjet një vize të marrë në vitin 2011 nga ambasada e Arabisë Saudite.
Për herë të parë emri i Hamit Muslija u bë publik gjatë procesit hetimor kundër grupit të 9 xhihadistëve shqiptarë të hetuar dhe dënuar tashmë në total me 109 vite burgim.
Ishte Prokuroria e Krimeve të Rënda ajo që zbardhi fillimisht emrat e 6 shqiptarëve që dyshoheshin të ishin vrarë në Siri, të cilët ishin rekrutuar pikërisht nga grupi i akuzuar për terrorizëm dhe Xhihad.
Aso kohe organi i akuzës konfirmoi se kishte marrë një raport të gjatë të dërguar nga SHISH ku, siç raporton “BalkanWeb” flitej për të gjithë procesin e kryer, rekrutimet, dërgimet në Siri, përfshirjen në luftë dhe pasojat.
Më poshtë, pjesa për Hamit Muslija, shkëputur nga materialet e raportit të SHISH:
Hamit Muslija (Ebu Enes), i biri i Veli dhe i Nurije, i datelindjes 28.09.1973, lindur ne Micoj, Puke e banues në Rrugën ‘Babë Rexha’, Tiranë, me gjendje civile i martuar. Ka dale nga PKK Rinas ne date 28.01.2013, me linjen Stamboll 1473 – 1474.
Hamit Muslija, ka udhëtuar më 28.01.2013 nga Tirana për në Stamboll, Turqi. Udhëtimi i tij është frymëzuar nga objekti Genci Balla, financuar nga shtetasi Ebu Usejd (shqiptar nen hetim) dhe me mbështetjen logjistike të objektit Bujar Hysa. Bashkë me Hamit Muslija kanë udhëtuar edhe 3 djem. Më datë 10.10.2013, Bujar Hysa u ka treguar lidhjeve të tij se: “…nga muxhahidët shqiptarë që janë në Siri, ka rënë shehid (Deshmor) vëllai mysliman me emrin fetar Ebu Enesi nga Lapraka”. Njëri nga të pranishmit u shpreh se “…Ebu Enesi është vëllai musliman Hamit Muslija…”.
Bujar Hysa është shprehur se: “Inshalla Ebu Enesi, ka rënë shehid, e ne duhet të gëzohemi për këtë gjë, të gëzohemi për të që Allahu ia mundësoi xhehnetin (parajsa) si shehid. Ne duhet të mërzitemi për vetet tona që allahu nuk na e ka mundësuar shehidllikun, e inshalla ia mundëson secilit prej nesh dhe çdo myslimani të devotshëm. Kjo është ajo që duhet të na mërzisë dhe jo vdekja e atij vëllait, se ai ka marrë gradën më të lartë te allahu, shehid inshalla”. Njoftimi për vrasjen e Hamit Muslija në internet, facebook është bërë nga antarë të grupit “Islami Feja e Vërtetë”. Në facebook është hedhur foto e mëposhtme e Ebu Enesit (Hamit Muslija), Foto 1.
Nga verifikimet rezulton që bashkëshortja e Hamit Muslisë bashkë me katër fëmijët, ka udhëtuar në drejtim të Turqisë në datën 19.07.2013, me linjën “Turkish Airlines”, TK 1473/1474 Stamboll dhe nuk rezulton të jetë kthyer. Vebije Muslija (mbiemri i vajzërisë Mehaj), e datëlindjes 05.04.1978 se bashku me femijet.
Tashmë vrasja e Hamit Musliaj është konfirmuar zyrtarisht edhe nga forcat qeveritare siriane.
