Kryetari i Prishtinës, Shpend Ahmeti, paralajmëron gjithmonë intervistat në të cilat merr pjesë, por këtë nuk e bëri sot për intervistën ku parashihej që të pyetej e të jepte shpjegime për aferën me jahtin, fundjavën e kaluar.
Ahmeti sonte ishte i ftuar në emisionin “Jeta në Kosovë”, por një gjë të tillë nuk e bëri të ditur paraprakisht në llogaritë e tij në Facebook e Twitter.
Kjo, ngase kryetari i Prishtinës do të pranonte se ishte në jahtin e biznesmenit Blerim Devolli.
Siç duket, i pari i Prishtinës nuk deshi që publiku ta dëgjonte intervistën e tij – ku ai u dorëzua dhe pranoi aferën e jahtit dhe raportet me Devollët, për të cilat kishte heshtur deri tani.
