Disa qytetarë me protestë kanë kundërshtuar fillimin e punimeve të projektit “Zgjerimi i rrugës nacionale N9-Segmenti Kijevë-Dollc”, ngjarje në të cilën ka marrë pjesë edhe kryeministri Albin Kurti.
Protestuesit në duar kanë mbajtur pankarta me mbishkrimin “Mos i mbyllni bizneset tona”.
Përfaqësuesi i protestuesve, Isuf Mehmetaj, ka thënë se si shkak i zgjerimit të rrugës rrezikohet që të mbyllen mbi 60 biznese.
“Kemi dalë për të protestuar për devijimin e rrugës. Këta po thonë që është vetëm zgjerimi i rrugës. Toka e bukës po zihet, këndej janë dy anët e rrugës të shpronësuara, ka bizenese ne jemi dalë shkaku i bizneseve që ato tash vetëm duhet që t’i mbyllim. Numri i bizneseve është 60-62”, është shprehur ai, raporton EO.
