Pas protestave që u mbajtën në qytetin Colmar, aty ku po mbahet dhe ku u mor vendimi për paraburgimin e Ramush Haradinajt, protesta të tilla të shqiptarëve në Europë nuk po mungojnë as në vendet si Vjena dhe Brukseli
Dhjetëra shqiptarë që jetojnë në diasporë po protestojnë vazhdimisht kundër arrestimit të Ramush Haradinajt në Francë, më 4 janar, shkruan Gazeta Express.
Megjithatë, mediat serbe, për të gjitha këto protesta thonë se shqiptarët po bëjnë thirrje urrejtëse ndaj serbëve dhe po i fyejnë.
Masiviteti i pjesëmarrjes së njerëzve në këto protesta po dëshmon pakënaqësinë e shqiptarëve në diasporë ndaj arrestimit të kreut të AAK’së, Ramush Haradinaj.
Haradinaj u arrestua më 4 janar në aeroportin e Bazelit, në zonën franceze të Mulhouse, nën akuzën serbe, nga një flet-arrest ndërkombëtar, se kishte kryer krime gjatë kohës së luftës në Kosovë. /GazetaExpress/
