Shpejtësia e tepërt është një rrezik i madh në trafikun rrugor.
Garat e paligjshme të veturave janë veçanërisht të rrezikshme. Më shpesh, të rinjtë marrin pjesë në to.
Tani një ekspert gjerman i trafikut ka ndezur një debat të madh me një propozim radikal që duhet të godasë shpejtësinë dhe garat.
Eksperti i trafikut, Andreas Knie nga Qendra Shkencore për Kërkime Sociale të Berlinit (WZB) është në favor që burrat të marrin patentën e shoferit vetëm në moshën 26 vjeçare në vend të 18.
Nëse aksidentet për shkak të sjelljes së papërshtatshme të shoferit nuk zvogëlohen, masa duhet të diskutohet, tha ai për RBB24.
Të rinjtë nga mosha 20 deri në 26 vjeç marrin pjesë në gara të paligjshme në Berlin./Albinfo.ch
