Prokuroria e Specializuar e Hagës ka publikuar një fotografi të Hashim Thaçit, të armatosur dhe me uniformë ushtarake, të pretenduar të jetë realizuar në Malin e Zatriqit.
Sipas prokurorit, Thaçi ishte fotografuar në afërsi të një qendre të supozuar të ndalimit në fshatin Drenoc, në Shtabin e UÇK-së.
Prokurori pretendon se mes majit dhe korrikut të vitit 1998, 38 persona ishin mbajtur të ndaluar në qendrën e ndalimit në Drenoc.
“Pamja në ekran paraqet Shtabin e UÇK-së në Drenoc, ku janë mbajtur disa të ndaluar. Midis majit dhe korrikut të vitit 1998, së paku 38 persona u mbajtën të ndaluar pa proces ligjor të rregullt në Drenoc. Disa herë midis fundit të prillit dhe fillimit të gushtit të vitit 1998, Hashim Thaçi e vizitoi Drenocin. Në ekran duket Hashim Thaçi i armatosur dhe me uniformë gjatë një vizite në Malin e Zatriqit që është afër Drenocit”, ka thënë prokurori.
