Pas ankesës së Rrezarta Krasniqit, kandidate për deputete nga Lidhja Demokratike e Kosovës, u vendos rinumërimi i votave të Vushtrrisë, konkretisht atyre të LDK-së.
Dyshimet janë ngritur për mundësinë e manipulimeve me votat, ku përfshihet edhe kolegu i Krasniqit, Xhafer Tahiri, që gjithashtu është kandidat nga kjo degë e LDK-së.
Nacionale me burimet e saja brenda QNR-së kanë bërë me dije se janë identifikuar disa shpërputhje në mes të votave të kandidatëve.
Në disa kuti, janë gjetur ndryshime të vogla, deri në një votë, të cilat mund të ndodhin pa dashje. Megjithatë, në rastet kur dallimet janë të mëdha, Prokuroria ka mundësinë të nisë hetime për keqpërdorim të qëllimshëm të votave, që përbën një vepër penale.
