Profesori serb, Çedomir Çupiq, ka thënë se presidenti i Serbisë, Aleksandar Vuçiq “ndoshta e di se për çfarë është takimi në Athinë” dhe për këtë arsye Vuçiq deklaroi se ishte i vështirë.
Ai ka reaguar ndaj Vuçiqit që tha se uk e di pse po shkon dhe se çka pret në Greqi, duke thënë për të është e papërgjegjshme që një president të deklarojë se nuk e di se ku po shkon dhe çfarë e pret atje.
“Çdo takim përcaktohet gjithmonë nga ajo për të cilën është. Ndoshta është e vështirë t’i thuash publikut se për çfarë do të bëhet fjalë, ndoshta disa pjesë të fundit të gjithçkaje që ka ndodhur vitin e fundit kur bëhet fjalë për marrëdhëniet e BE-së me Serbinë dhe Vuçiqin. Me siguri do të ketë bisedime që dalëngadalë do të përfundojnë, Serbia do të duhet të paguajë faturën, do të duhet të vendosë se çfarë të bëjë në të ardhmen.” – ka thënë ai, raporton N1.
Tutje ai ka thënë se sanksionet kundër Rusisë dhe çështja e Kosovës janë dy temat që do të bisedohen.
“Një temë, për mendimin tim, ka të bëjë me marrëdhëniet me Rusinë, sanksionet, dhe e dyta, ndoshta do të lidhet me Kosovën dhe zgjidhjen e problemit të Kosovës, kjo është ajo që presin BE-ja dhe Perëndimi nga Serbia në periudhat e ardhshme, supozoj se kjo tashmë është ardhja për të përfunduar, që Serbia të vendosë përfundimisht për ato dy çështje, prandaj ai tha se është një takim i vështirë, ai e di se për çfarë do të bëhet.” – ka thënë ai.
Ndryshe në Athinë sonte do të ketë darkë mes liderëve të Ballkanit Perëndimor, ku do të marrin pjesë edhe lidershipi i Bashkimit Evropian.