Policia e Kosovës ka njoftuar se është gjetur e mitura e raportuar si e zhdukur, ndërsa rasti në polici është hapur si dhunim.
Në raportin e Policisë thuhet se i dyshuari është arrestuar dhe me vendim të prokurorit është dërguar në mbajtje.
“PERSON I ZHDUKUR – GJETUR & DHUNIM/ Prishtinë, 08.02.2023 – NN. Lidhur me rastin është arrestuar i dyshuari mashkull kosovar i cili është gjetur së bashku me viktimën e mitur”, thuhet në raportin e PK-së.
Me vendim të prokurorit i dyshuari është dërguar në mbajtje për 48 orë, kurse viktima është dërguar në strehimore pasi ka refuzuar të kthehet te familja e saj.
