Mbrëmë është hapur festivali Manifesta në Prishtinë. Për herë të parë në rajonin tonë festivali nomad vjen me shumë risi në program.
Kryetari i Prishtinës, Përparim Rama thotë se Prishtina mbrëmë e dëshmoi karakterin unik që ka.
Ai shkroi se “bashkë dëshmuam se Prishtinën po e shndërrojmë në referencë të qytetit të artit, arkitekturës dhe potenciali”.
“Prishtina mbrëmë e dëshmoi karakterin unik që ka! Me miqtë ndërkombëtarë e vendorë, artistë me renome botërore, aktivistë e personalitete të shquara, hapëm bienalen më të madhe të artit dhe arkitekturës Manifesta Biennial. Duke ju falenderuar të gjithëve që na nderuat me pjesëmarrjen, shpreh kënaqësinë e veçantë që bashkë dëshmuam se Prishtinën po e shndërrojmë në referencë të qytetit të artit, arkitekturës dhe potencialit!”, ka shkruar Rama.