Pas afrimit të punimeve të Stadiumit të Prishtinës, skuadra nga kryeqyteti pritet të bëhet edhe me fusha ndihmëse.
Me vendimin e miratuar në mbledhjen e sotme, Qeveria e Kosovës ka autorizuar Klubin e Futbollit “Prishtina”, që të ndërmarrë të gjitha veprimet e nevojshme për të siguruar dokumentacion për dhënien në shfrytëzim të një parcele kadastrale në Komunën e Prishtinës.
Edhe Federata e Futbollit të Kosovës është autorizuar me vendim që të ndërmarrë të gjitha veprimet e nevojshme për kryerjen e përgatitjeve për shpronësimin e pronës së paluajtshme, të ngastrës kadastrale 585/4 në Komunën e Prishtinës.
