Nuk do të ketë ‘romancë’ të tretë mes Romelu Lukakut, dhe Interit, pasi këta të fundit janë tërhequr nga gara për të nënshkruar me sulmuesin belg.
Interi tashmë po mendon për emra të tjerë për zëvendësuesin e tij. Siç raporton eksperti i transferimeve Gianluca Di Marzio, Interi po e konsideron të mbyllur mundësin e kthimit të belgut në Milano, pasi ‘flirtoi’ edhe me Juventusin.
Kjo gjë u bë pikërisht në kohën kur Interi kishte gjetur formulën e duhur për ta bindur Chelsean për ta shitur për 35 milionë euro plus 5 të tjera në bonuse, dhe ajo që mungonte ishte ‘po’-ja e futbollistit belg. Lukaku dhe agjenti i tij gjatë së premtes nuk janë përgjigjur në telefon, dhe kjo gjë ka nervozuar drejtuesit e Interit.
Pas mospërgjigjes së belgut po qëndronte Juventusi, që në një takim në Londër të mërkurën, kanë ofruar të njëjtën shumë, por me kushtëzimin që nëse shitet Dusan Vlahoviq deri më 4 gusht.
