Pasi në Paris takoi presidentin e zgjedhur të SHBA-ve, Donald Trump, presidentja e Kosovës Vjosa Osmani ka pasur bisedë edhe me miliarderin Elon Musk, pronarin e platformës “X”.
Pikërisht në “X”, Osmani ka shkrruar për bisedën me Musk, duke e cilësuar si bisedë të shkëlqyeshme.
Në takim sipas Osmanit është folur për luftimin e dezinformatave, si dhe rëndësinë e respektimit të vullnetit të popullit.
“Një bisedë e shkëlqyer për efikasitetin dhe efektivitetin e qeverisë, përpjekjet për të luftuar dezinformimin, si dhe rëndësinë e respektimit gjithmonë të vullnetit të popullit”, ka shkruar Osmani.
Musk është një nga figurat më të përfolura në botë, sidomos për shkak të inovacioneve të tij dhe deklaratat publike që jap.
Në zgjedhjet amerikane ai ka qenë përkrahës i republikanit Donald Trump.