Ministria e Mbrojtjes dhe Forca e Sigurisë së Kosovës, me rastin e “Ditës së Forcës”, sot, duke filluar nga ora 10:00 deri në ora 13:00 organizojnë “Ditën e Hapur”.
Me këtë rast, presidentja e Kosovës, Vjosa Osmani do ta vizitojë kazermën “Adem Jashari”.
Për këtë ka njoftuar zyra për media e presidencës, duke treguar agjendën e Osmanit.
”Në orë 11:00, Presidentja e Republikës së Kosovës, Vjosa Osmani viziton kazermën “Adem Jashari”, me rastin e DITËS SË FORCËS. Vendi: Kazerma “Adem Jashari” në Prishtinë”, thuhet në njoftim.
