Presidentja Osmani ka prezantuar delegacionin që po e shoqërojnë në Strasburg. Janë gratë që shënuan histori në Kosovë, shkruan Insajderi.
Me Osmanin janë, Vasfije Krasniqi, Fahrije Hoti, Blerta Basholli e Hana Qerimi si dhe Egzon Syla nga FSK e një gazetare nga Ukraina.
Presidentja ndau historinë e Krasniqit e Hotit para tyre, duke thënë se dyshja kthyen pikëllimin në forcë.
“Me mua sot kam një delegacion që është përfaqësimi më i vërtetë Republikës sonë dashur përfaqëson historinë tonë, të rëndë por edhe frymën e këmbënguljes. Me mua sot është Vasfije Krasniqi-Godman që ishte vetem 16 vjecare kur nga forcat serbe u largua nga duart e nënës, për orë të tëra ajo u përdhunua për orë të tëra… Vasfija e ngriti zërin për drejtësi dhe kundër stigmës dhe arriti të mbledh një popull të tërë pas vetes”, u shpreh Osmani.
“Është heroinë e vërtetë e gjallë dhe pajtohem plotësisht, por më duhet tej u them se jemi të rrethuar nga heroina të shumta në vendin tim, e tillë është edhe Fahrije Hoti ajo vjen nga fshati Krushë, ku gati gjithë burrat u vranë gjatë luftës, në mesin e tyre edhe bashkëshorti i saj”
“Fahrija vendosi të mos dorëzohej, ajo sot zotëron kooperativën Krusha që ndikojë në fuqizimin e grave. Kooperativë Krushë u kthye në një vend shprese, tashmë duke transportuar avjarin dhe produktet tjera në gjithë Evropën, të cilat gjithsesi iu ftoi t’i provoni”.
Osmani sqaroi se si historia e Fahrijes u bë edhe film.
“Me mua është edhe Blerta Basholli filmi “Zgjoi”, që përshkruan me mjeshtëri jetën e Farhirje Hotit dhe të grave të Krushës. Ajo përshkroi në mënyrë të përsosur se si pjesët më të errëta të historisë mund të kthehen në shpresë e qëndrueshmëri”.
“Hana Qerimi, ajo është bashkëthemeluese e “Digital School” dhe “Star Labs” që filloi si kompani të vogël ndërsa sot ato janë shndërruar në marka globale”…
Ajo përmendi edhe angazhimin e Egzon Sylës, nga kontingjenti i Kërkim-Shpëtimit në FSK, i cili ka udhëhequr ekipin në përpjekjet e shpëtimit nga pasojat e tërmetit shkatërrues në Turqi.
“Egzon Syla vjen nga kontingjenti i FSK ai e dinë çka është të thotë ta kthesh të mirën me të mirë, pas pasojave të shkaktuares të tërmetit në Turqi. Sot një 2 vjeçare, nëna e saj dhe shumë të tjera e janë gjallë për shkak të Egzonit dhe ekipit të tij, për shkak të profesionalizmit të tyre, tregon shpirtin e vërtetë të Kosovës, që nuk dorëzohet kurrë dhe jep më të mirën e vet”, u shpreh Osmani.
Në fjalimin e saj, Presidentja prezantoi edhe rrëfimin e Liudmyla-n. Liudmyla Makei, gazetarja e parë ukrainase që u prit në Kosovë si pjesë e Programit të Gazetarëve në Rezidencë në Kosovë të nisur nga institucionet kosovare në mbështetje të kauzës së tyre për të mbrojtur të vërtetën.
“Historitë e këtyre njerëzve janë mishërim i asaj që ne e quajmë qëndrueshmëri”, u shpreh Osmani para Parlamentit Evropian.
