Autoriteti Palestinez do të rishqyrtojë marrëdhëniet dypalëshe me SHBA-në pasi Uashingtoni vuri veton ndaj një mocioni për ta bërë Palestinën një anëtare të plotë të OKB-së.
Kështu, siç raportojnë mediat e huaja, përcjell Telegrafi, ka thënë presidenti Mahmoud Abbas për agjencinë e lajmeve WAFA.
Masa e djeshme e SHBA-së në thelb mohoi njohjen e Palestinës si shtet në sytë e OKB-së.
Një zëdhënës i Departamentit Amerikan të Shtetit e kishte përshkruar mocionin si “të parakohshëm”.
“Konkretisht, ka pyetje të pazgjidhura nëse aplikanti mund të plotësojë kriteret për t’u konsideruar si shtet”, shtoi ai.
Presidenti palestinez thotë se do të rishqyrtojë marrëdhëniet me SHBA-në pas vetos së Uashingtonit në OKB
