Presidenti i Federatës së Futbollit të Kosovës, Agim Ademi do të udhëtojë drejt Katarit aty ku do të mblidhet ajka e futbollit botëror.
Numri një i FFK-së, sipas burimeve të Demokracia.com, do të jetë mysafirë i presidentit të FIFA-s, Gianni Infantino ku nga afër do t’i përcjellë ndeshjet e futbollit që do të zhvillohen në Kampionatin Botëror “Katar 2022”.
Ademi gjatë kësaj vizite, përveç ndeshjeve, do të ketë takime të shumta më krerët e futbollit evropian dhe botëror në mënyrë që ta thellojë edhe më shumë bashkëpunimin si dhe t’i njoftojë për zhvillimet dhe ngritjen e futbollit kosovar.