Presidenti dhe kryeministri i Kosovës po luajnë “tezesh” me Agjensionin Kosovar të Inteligjencës (AKI) dhe me krejt Kosovën, duke emëruar drejtor te AKI-së mbi baza krejtësisht partiake. Kështu ka thënë për IndeksOnline, Melihate Termkolli, anëtare e Komisionit parlamentar për mbikëqyrjen e Agjencisë së Inteligjencës së Kosovës.
“Ky emërim nuk është në harmoni me funksionin e AKI-së, duke përfshirë aspektin profesional dhe jo partiak”, ka thënë ajo.
Termkolli ka thënë se këtë çështje do ta ngritë në Komisionit parlamentar për mbikëqyrjen e Agjencisë së Inteligjencës së Kosovës.
Sipas saj, kryetari i këtij komisioni Haxhi Shala është dashur që të hënën ta thërras mbledhjen për të diskutuar për këtë emërim që është komplet jo serioz.
“Ende nuk e kemi të qartë për ish drejtorin Agron Selimaj se a ka dhënë dorëheqje apo është shkarkuar”, ka thëne Termkolli.
