Policia ka dhënë detaje për zjarrin që ka shpërthyer në rrugën “Holger Petersen” në Prishtinë, në orët e hershme të mëngjesit.
Agron Borovci, zëdhënës për media, ka thënë se nuk është raportuar për persona të lënduar.
“Policia menjëherë ka dalë në vendin e ngjarjes, po ashtu janë ftuar edhe zjarrfikësit të cilët kanë lokalizuar zjarrin”.
“Deri më tani nuk është raportuar për persona të lënduar, përveç dëmeve materiale”.
“Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka thënë Borovci.
