Sonte rreth orës 00:25 dy shpërthime të njëpasnjëshme detonuan veriun e Mitrovicës.
Detonimet ishin aq të fuqishme sa u dëgjuan edhe thellë në jug të Mitrovicës.
Shpërthimet për PrishtinaPress i konfirmoi edhe zëvendësdrejtori i Policisë për rajonin e Veriut, Veton Elshani.
“Ka informacione për dy detonime por policia është në qytet dhe nuk raportohet për dëme.”, tha Elshani.
Ndryshe, banorët shqiptarë të veriut u shprehën të shqetësuar për shpërthimet që ndodhën sonte.
“Jemi në amulli, s’po dijmë çka don me na gjet”, tha njëri nga qytetarët.
