Policia e Kosovës ka kontrolluar dy lokacione të ndryshime në Malishevë, ku janë konfiskuar armë dhe municion.
PK ka njoftuar se kontrollet janë bërë në fshatin Turjakë të Malishevës, ku edhe janë arrestuar dy persona të moshës madhore.
“Gjatë kontrollit në posedim të tyre janë gjetur dhe konfiskuar:
• Dy armë zjarri të gjata,
• Dy armë zjarri të shkurtra, të llojit pistoletë,
• Një armë zjarri e shkurtër për sinjalizim me zë, e llojit revolver,
• Një armë zjarri e shkurtër për sinjalizim me zë,
• Një armë zjarri e shkurtër (artizanale),
• Pesëdhjetë e dy copë fishekë dhe
• Katër karikator.” – thuhet në njoftim.
Ndër të tjera thuhet se, pas intervistimit të të dyshuarve, me vendim të prokurorit të shtetit të njëjtit janë ndalur në mbajtje si dhe është iniciuar rast “mbajtje në pronësi, kontroll ose posedim të paautorizuar të armëve” dhe “përdorim i armës apo mjetit të rrezikshëm”.
