I ranë në gjurmë…
Një person është arrestuar dje nga Policia pasi më datën 6 janar në fshatin Lubizhdë të Prizrenit kishte hapur me forcë një veturë prej nga kishte vjedhur stoli ari dhe gjëra të tjera të vlefshme.
Këtë e ka bërë të ditur Policia përmes raportit zyrtar, ku gjithashtu është bërë e ditur që i dyshuari kishte tërhequr 780 euro nga llogaria bankare e viktimës së njëjtë.
Ngjarja kishte ndodhur të shtunën e 6 janarit rreth orës 18. I dyshuari është dërguar në mbajtje.