Policia e Kosovës është duke zhvilluar aksion në veri të vendit, në disa lokacione.
Lajmin e ka konfirmuar zëvendëskomandanti i Policisë së Kosovës për rajonin e Veriut, Veton Elshani.
Sipas Elshanit, bastisjet kanë të bëjnë me sulmin terrorist në Banjskë.
Elshani ka thënë se do të japë më shumë informacione për këto veprime të Policisë pasi të ketë përfunduar aksioni.
Ai gjithashtu ka thënë se deri më tani nuk ka të arrestuar.
Siç raporton KoSSev, një nga veprimet zhvillohet në afërsi të “Tre Soliterave”.
