Në fillim të muajit gusht, Njësia Rajonale e Trafikut Rrugor në Prishtinë ka filluar patrullimin me vetura civile me qëllim të parandalimit të aksidenteve dhe respektimin e rregullave të komunikacionit nga shoferët.
Njësiti Rajonal i Komunikacionit Rrugorë në Prishtinë ka njoftuar se vetëm gjatë muajit gusht, në kuadër të planit me vetura civile ka shqiptuar rreth 300 fletëparaqitje për kundërvajtje, dhe ka konfiskuar rreth 100 patentë shoferë.
Njësiti Rajonal i Komunikacionit Rrugor ka njoftuar se plani me veturat civile është paraparë të vazhdoj deri në fund të muajit shtator, duke vazhduar së zbatuari planin “Nxënësi”.
