Një person është arrestuar në Shqipëri i cili po transportonte 27 emigrantë në drejtim të Kosovës.
Emigrantët kishin paguar nga 200-400 euro për të dalë jashtë vendit, njofton Policia e Shqipërisë.
“35-vjeçari i arrestuar, iu kishte premtuar transportimin nga Korça në drejtim të Kukësit, kundrejt pagesës 200-400 euro për person, 27 emigrantëve që kishin hyrë në mënyrë të paligjshme në Shqipëri dhe që synonin të kalonin po në mënyrë të paligjshme, kufirin me Kosovën, me destinacion final vendet e BE-së”, thuhet në njoftim
Për 27 emigrantët nis procedura në gjendje të lirë për veprën penale “Kalimi i paligjshëm i kufirit shtetëror”, ndërkaq rasti ka kaluar në prokurori.