Tifogrupi “Plisat” nuk do të jenë të pranishëm sonte në ndeshjen e fundit që Shqipëria e zhvillon në fazën grupore të ciklit kualifikues për EURO 2024, ndaj Ishujve Farore në “Air Albania”.
Sipas një anëtari të tifogrupit, kjo për arsyen se Federata Shqiptare e Futbollit nuk ka ndarë bileta për ta, duke ia pamundësuar hyrjen në stadium.
Sipas tyre, kjo nuk do t’i ndalë ata të festojnë, pasi do ta bëjnë këtë në Prishtinë.
Plisat kanë qenë gjithmonë të pranishëm në ndeshjet kur kombëtarja shqiptare i ka zhvilluar ndeshjet në shtëpi, duke qenë gjithmonë në përkrahje bashkë me tifogrupin shqiptar Tifozat Kuq e Zi.
