Koloneli Arben Çuko ishte i ftuar në emisionin “360 Gradë” në ABC News, ku foli për kërcënimin rus dhe alarmin e ngritur nga presidenti amerikan Joe Biden për luftën në Ukrainë.
Ai u shpreh se Rusia kërkon që t’ia bëjë të qartë Evropës se situata është në eskalim dhe në prag. Në lidhje me luftën në Ukrainë, ai tha se nëse presidenti rus, Vladimir Putin fiton plotësisht, do të sjellë tensione për të mos thënë luftëra.
“S’duhet të ketë dyshime në lidhje me deklaratat e Biden. Për sa i përket artikullit të gazetës, ata kanë nxjerrë planet nga sirtarët. Plani është i transportit, afrimit të trupave matanë Atlantikut. Unë mendoj që duan që t’ia bëjnë të qartë Evropës se situata është në eskalim dhe në prag. Çështja që po diskutojmë ne sot merr rëndësi se ai preku Ballkanit. Në analizat që bëj un, nisur nga ato politike, ushtarake, fitorja e Putinit do të sjellë tensione, për të mos thënë luftëra. Prekja e Ballkanit për mua nuk është lapsus. Po tregon planet që nuk janë më supozime të amerikanëve por konkluzione të sakta. Prekja e Ballkanit në lidershipin tonë duhet na shqetësojnë.”, tha koloneli.
