Politikania serbe, Rada Trajkoviq, ka shkruar për ngjarjet e fundit në veri të vendit dhe protestat që po organizohen nga disa serbë lokalë edhe ndaj vizitave që zyrtarë të Qeverisë së Kosovës po zhvillojnë në atë pjesë të Republikës së Kosovës.
Politikania serbe ka thënë se një bojkot civil do të ishte më efektiv.
Trajkoviq ka shkruar në “X” se është gabim që serbët po protestojnë me fishkëllimë kundër çdo zyrtari të Kosovës që viziton veriun.
Sipas saj, kjo “ndihmon edhe më shumë të paraqiten si drejtues përballë “bazës” nacionaliste”.
“Heshtje dhe rrugë bosh. Pra, lërini të ecin vetëm”, ka shkruar Trajkoviq.
