Një plumb bredhak ka goditur pjesën e përparme të një veture në rrugën “Zahir Pajaziti” në Podujevë.
Kështu ka njoftuar Policia e Kosovës në raportin e saj ditor.
“Rr. Zahir Pajaziti, Podujevë 07.08.2022 – 21:10. Ankuesi mashkull kosovar, ka raportuar se derisa ishte duke drejtuar veturën, një plumb bredharak i ka goditur mbrojtësin e motorit (haubën). Gjatë ekzaminimit të veturës është gjetur dhe sekuestruar një predhë si provë materiale”, ka njoftuar PK.