Policia e Kosovës ka dhënë detaje lidhur me aksionin e zhvilluar gjatë ditës së sotme në veri të vendit, ku u mbyllen gjashtë njësi ilegale të të ashtuquajturës “Bankë Postare Kursimore” (Banke Poštanske Štedionice).
Sipas njoftimit zyrtar të Policisë së Kosovës thuhet se përpos mbylljes së gjashtë njësive ilegale të “Bankës Postare Kursimore”, u konfiskuan edhe prova të ndryshme materiale, duke përfshirë rreth 74 milionë dinarë serbë dhe 1 milion e 600 mijë euro.
“Rreth 1.600.000 euro, Rreth 74.700.000 dinar, Rreth 19.500 franga, Rreth 13.800 dollar amerikan, Rreth 40 dollar australian. Dokumentacione dhe prova relevante që ndërlidhen me rastin”, thuhet në njoftim.
