Drejtori Zyrës për Kosovën në Qeverinë e Serbisë, Petar Petkoviq, ka reaguar pas vizitës që Ministria e Punëve të Jashtme dhe Diasporës ia refuzoi në Kosovë.
Ai ka thënë se institucionet kosovare morën një vendim të pakuptimtë lidhur me anulimin e vizitës së tij.
“Do të doja për këtë festë të isha me serbët e Kosovës, por politika e pakuptimtë e Prishtinës më pengoi”.
“E pamundur për mua. Ishte një vizitë feste, e cila në vetvete mbart mesazhe paqeje, dashurie dhe mirëkuptimi, mes të gjithë njerëzve të vullnetit të mirë, pa dallim feje apo kombi”, ka thënë Petkoviq.
Më 3 maj, lajmin për Klankosova.tv për anulim të vizitës së Petkoviq e ka konfirmuar Leutrim Sahiti, këshilltari politik i ministres së Punëve të Jashtme, Donika Gërvalla.
“Në lidhje me pyetjet tuaja ju informojmë që personit në fjalë i është refuzuar vizita në Kosovë”, tha Sahiti
Ai nuk dha detaje për arsyen e refuzimit të vizitës së Petkoviqit në Kosovë, shkruan Tanjug.
