Trajneri Jeff Cavaliere ka renditur pesë ushqime në kanalin e tij në YouTube, për të cilat beson se janë të rëndësishme për t’i përfshirë në dietën tuaj, si për shëndetin e përgjithshëm ashtu edhe për rritjen e muskujve.
Cavaliere citon hulumtimet që tregojnë se konsumimi i rregullt i boronicave çon në një rritje të qelizave pararendëse të muskujve, si dhe në një reduktim të stresit oksidativ në muskuj.
“Shto faktin se ato janë gjithashtu të pasura me vitaminë C dhe kalium, si dhe janë një anti-inflamator i fuqishëm dhe nuk mund të gaboni duke përfshirë boronica në dietën tuaj”, pohon ai.
Perime kryqëzuese
Ngrënia e këtyre perime bën që glukorafanina të shpërbëhet në një ilaç të fuqishëm antioksidant dhe anti-inflamator të quajtur sulforafan. Cavaliere këshillon konsumimin e brokolit, lulelakrës, rrepës, lakërishtes, lakra jeshile, lakrës, rrepkës dhe uasabit.
(Foto: Tall Tree)
Kungull, mango, patate dhe karotë
Kungulli, mango, patatja e ëmbël dhe karota, janë burim i karotenoideve që eliminojnë oksidimin që shkakton përkeqësimin e qelizave dhe plakjen e hershme.
“Kini kujdes sepse nëse hani shumë nga këto ushqime mund të merrni karotenemi. Kjo gjendje ndodh për shkak të rritjes së vitaminës A dhe bën që pëllëmbët dhe shputat të marrin një nuancë portokalli”, pohon Cavaliere.
Xhenxhefili
“Xhenxhefili është gjëja më e mirë që do t’ju ndihmojë të zvogëloni dhimbjen e muskujve pas një stërvitjeje të vështirë”.
“Edhe nëse nuk ngrini pesha, përfitimet anti-inflamatore të xhenxhefilit për të gjithë sistemin janë të pamohueshme”, thotë trajneri.
Proteinat pa yndyra
Cavaliere thotë se proteinat pa yndyrë nga pula dhe gjeldeti janë shumë të rëndësishme. Megjithatë, ai paralajmëron se nuk është e rëndësishme vetëm nëse i hani, por edhe si.
“Nëse e përgatisni pulën me agrume, mos shtoni salcë kremoze dhe ruani vlerën e vet proteinës”, shpjegon ai.
