Kryetari i Këshillit Kombëtar Shqiptar në Luginë, Ragmi Mustafi ka thënë se vetëm 28 për qind e të punësuarve në institucionet publike të Luginës në Preshevës janë shqiptarë.
Këtë Mustafi e ka thënë duke u bazuar në hulumtimin “Fakte në numra” të Këshillit Kombëtar Shqiptar.
Mustafi ka thënë se Lugina mbetet rajoni me pagën mesatare rreth tri herë më të ulët se Beogradi e me papunësi mbi 60 për qind.
“Centralizimi i institucioneve me një diskurs albanofobik ka dezintegruar Luginën dhe ka agravuar segregacionin. Sot kemi më pak gjykata e gjykatës në Luginë seç kishim para një dekade. Më (as)pak prokuror, më pak polic, më (as)pak zjarrfikës, më (as)pak inspektor republikan e shumë institucione nuk kanë asnjë shqiptar të përfshirë (kadastra, etj)”, ka shkruar ai.
Në Luginën e Preshevës, siç ka shkruar Mustafi, shqiptarët përfaqësohen në institucione ndërmarrje publike me 28 për qind, apo nga 5472 të punësuar janë 1542 pjesëtarë të komunitetit shqiptar.
Ky është postimi i plotë i tij:
SHQIPTARËT NË INSTITUCIONE DHE NDËRMARRJE PUBLIKE TË LUGINËS MARRIN PJESË ME 28%
Lugina e Preshevës duke qenë rajoni me pagën mesatare rreth tri herë më të ulët se Beogradi, ndër më të pazhvilluarit e të varfër me papunësinë mbi 60%, komuniteti shqiptar vuan nga nënpërfaqësimi, mosintegrimi dhe diskriminimi në mungesë të vullnetit politik.
Centralizimi i institucioneve me një diskurs albanofobik ka dezintegruar Luginën dhe ka agravuar segregacionin. Sot kemi më pak gjykata e gjykatës në Luginë seç kishim para një dekade. Më (as)pak prokuror, më pak polic, më (as)pak zjarrfikës, më (as)pak inspektor republikan e shumë institucione nuk kanë asnjë shqiptar të përfshirë (kadastra, etj.)
Në Luginën e Preshevës, shqiptar perfaqësohen në institucione ndërmarrje publike me 28 % apo nga 5472 të punësuar janë 1542 pjesëtarë të komunitetit shqiptar.
Ndryshe, në institucione dhe ndërmarrje publike të Komunës së Medvegjës punojnë 6% shqiptar, apo nga 538 janë 32 shqiptar. Në komunën e Bujanocit në institucione ndërmarrje publike punojnë 35% shqiptar , apo nga 2011 janë 695 shqiptar. Në komunën e Preshevës në institucione dhe nderrmarje publike punojnë 66% apo nga 1205 janë 801 shqiptar sipas hulumtimit “Fakte në Numra” të Këshillit Kombëtar Shqiptar.
