Kryetari i Komunës së Prishtinës, Përparim Rama, ndodhet për vizitë në Shkodër.
Ai ka publikuar pamje nga pritja që i ka bërë Kryebashkiaku i Bashkisë së Shkodrës, Benet Beci, të cilën e ka quajtur vëllazërore.
Në këtë vizitë ai është shoqëruar edhe nga Ambasadori i Shqipërisë në Kosovë, Qemal Minxhozi.
“Një vizitë e mrekullueshme në këtë qytet të pasur me histori, kulturë dhe pamje të mahnitshme! Falënderojmë z.Beci për mikpritjen dhe Ambasadorin e Shqipërisë në Kosovë, z.Qemal Minxhozi, i cili tashmë është shndërruar në urë lidhëse mes vendeve tona. Ne kemi vizion të përbashkët, do të forcojmë lidhjet do të punojmë fort për qytetet tona!”, ka shkruar Rama.
https://m.facebook.com/perparimrama2021/videos/1551683032038207/?ref=embed_video